منو
دلبریم
دولاننام باشینا منیم جانانیم
اوزون توتما مندن یانا دلبریم
یانا دؤنسن آلیشارام، یانارام
دؤندرمه باغریمی قانا دلبریم
قان سالما کؤنلومه من سسه قوربان
کیرپیکین اوخ وورور قاشلارین کامان
توشلاییب سینه‌مه دوز وورور نشان
باراکاللاه بو نشانا دلبریم
نشان وئرمه نامحرمه جمالین
یازیق اوللام کسمه مندن وصالین
هر زامان گؤرنده او خطّ خالین
اوغروندا قیارام جانا دلبریم
جان شیرین‌دیر سنه قوربان جان اولار
عشق اهلینین یوردو بیابان اولار
دده کاتب سلطان اولار خان اولار
قدم قویسان بيزیم خانا دلبریم.
اوزون توتما مندن یانا دلبریم
یانا دؤنسن آلیشارام، یانارام
دؤندرمه باغریمی قانا دلبریم
قان سالما کؤنلومه من سسه قوربان
کیرپیکین اوخ وورور قاشلارین کامان
توشلاییب سینه‌مه دوز وورور نشان
باراکاللاه بو نشانا دلبریم
نشان وئرمه نامحرمه جمالین
یازیق اوللام کسمه مندن وصالین
هر زامان گؤرنده او خطّ خالین
اوغروندا قیارام جانا دلبریم
جان شیرین‌دیر سنه قوربان جان اولار
عشق اهلینین یوردو بیابان اولار
دده کاتب سلطان اولار خان اولار
قدم قویسان بيزیم خانا دلبریم.