اولماز

ده‌لی کؤنول سن قایل اول قورانا
اوندان غیری سنه مددکار اولماز
ظولم ایله کرپیچی قویولان بنا
سست اولار پایه‌سی پایدار اولماز
مرد اوغلانین کؤنلو اولار صفالی
مؤمن اولار وعده‌سینه وفالی
بیر انسانین ذاتی اولسا سخالی
یئری‌ده دار اولسا کؤنلو دار اولماز
اودون ییغیب آتش آلیشدیرانلار
آتش آلسین آرا قاریشدیرانلار
صولح‌چو انسانلار، باریشدیرانلار
اوّل آللاه عؤمور بویو خوار اولماز
دده‌کاتب خوانسیز خانا دئمه خان
سئرچه بولبول اولماز بویانسا الوان
پولو چوخ دوست توتان دوست اولماز اینان
یار-یار دئیه‌ر یانا گئدر یار اولماز.