بیر آللاه آدی ایلن دوشموشم یولا
ایماندان درس آلدیم کام آلام کام کام
مستقیم جادهدن دؤنمم ساغ - سولا
عرفاندان درس آلدیم کام آلام کام کام
عرفاندان درس آلدیم اولمارام آزغین
سرو تک آزادام دگیلم پوزغون
عشقین آتشینه یانمیشام قیزغین
انساندان درس آلدیم کام آلام کام کام
انساندان درس آلدیم مرده باغلییام
مردلرین مولاسی مرده باغلییام
مرده قوُل اولموشام مرده باغلییام
عمّاندان درس آلدیم کام آلام کام کام
عمّاندان درس آلدیم بیلدیم بیر حساب
خلق الملائک من نور حجاب
دده کاتب سوروشسالار وئر جواب
قورآندان درس آلدیم کام آلام کام کام.