اوّلیندن عادتیمدیر من یالاندان قورخارام
خئیر- شرین قانمایاندان حق داناندان قورخارام
یاخشیا پیس، پیسه یاخشی دئیهنلردن الامان
کرکی دگمز، یونولمایان هر ناداندان قورخارام
عاقل انسان گونون قووماز بیرده یوخلار سونرانی
گر باجارسا مرهم قویار داحی دئشمز یارانی
گوجو یئتسه باریشدیرار قاریشدیرماز آرانی
آرا قاتیب ایش پوزاندان او شیطاندان قورخارام
ایمانسیزلار قورخمالیدیر قاچارام اوندان یانا
حیاسیزلار قورخمالیدیر کئچ یولداش اولما اونا
ادبسیزلر قورخمالیدیر بنزهمزلر انسانا
آدی انسان فعلی شیطان او حیواندان قورخارام
انصافسیزین ایشی توتسا مظلوما جوشوب اسر
هچ یوخلاماز صاباحینی ناحقی - حقی کسر
دده کاتب اوزون گئتمه قیسا سؤزده وار اثر
ایکی اوزلو، شیرین سؤزلو آلداداندان قورخارام.