اوّلیندن بودور منیم عادتیم
یالانچیدان من یالاندان قورخارام
بوتپرستدن، بوداییدن قورخمارام
اهل تزویر مسلماندان قورخارام
مردلیکایله من جنگدن قورخمارام
مئشهده شیر-پلنگدن قورخمارام
دریالاردا نهنگدن قورخمارام
آرا قاتیب ایش پوزاندان قورخارام
برک ایشلرده چالیشارام قورخمارام
دوست یولوندا آلیشارام قورخمارام
دوشمن ایله آتیشارام قورخمارام
خاین دوستدان، بی ایماندان قورخارام
دده کاتب اؤللم جاندان قورخمارام
رستم - زال، پهلواندان قورخمارام
نفسه اویمام من شیطاندان قورخمارام
آدی اسلام آلداداندان قورخارام.