منو
انسان اولماسان
انسان اوغلو آدین هئچ‌دی اؤزون انسان اولماسان
قورو آدا قوروت اولماز تا کی انسان اولماسان
ال‌دی آیاق، گؤزدو قولاق حیوانا دا وار بونلار
آرادا بیر فرق یوخدو تا کی انسان اولماسان
فوق لیسانس، دوقتوراسان اوندان اوستون گؤره‌سن
بیر آی اوروج، بئش واخت ناماز تسبیح، تحمید ائده‌سن
حجّ عمره، کربلایا، خوراسانا گئده‌سن
سنه یورولماق قالاجاق تا کی انسان اولماسان
علامه دهر اولاسان علم کلام بولاسان
یوز رومان، تاریخ یازاسان اهل قلم اولاسان
یا یهودی یا نصارا یا هر مرام اولاسان
مسلمان کی اولانماسان تا کی انسان اولماسان
(من عرف نفسه) دان انسان تانیر آللاهی
اؤز نفسینی تانیمایان هاردا تانیر آللاهی
دده کاتب بیر من اؤلوم گر سئورسن آللاهی
اؤزگه‌لره اؤیود وئرمه اؤزون انسان اولماسان.
قورو آدا قوروت اولماز تا کی انسان اولماسان
ال‌دی آیاق، گؤزدو قولاق حیوانا دا وار بونلار
آرادا بیر فرق یوخدو تا کی انسان اولماسان
فوق لیسانس، دوقتوراسان اوندان اوستون گؤره‌سن
بیر آی اوروج، بئش واخت ناماز تسبیح، تحمید ائده‌سن
حجّ عمره، کربلایا، خوراسانا گئده‌سن
سنه یورولماق قالاجاق تا کی انسان اولماسان
علامه دهر اولاسان علم کلام بولاسان
یوز رومان، تاریخ یازاسان اهل قلم اولاسان
یا یهودی یا نصارا یا هر مرام اولاسان
مسلمان کی اولانماسان تا کی انسان اولماسان
(من عرف نفسه) دان انسان تانیر آللاهی
اؤز نفسینی تانیمایان هاردا تانیر آللاهی
دده کاتب بیر من اؤلوم گر سئورسن آللاهی
اؤزگه‌لره اؤیود وئرمه اؤزون انسان اولماسان.