منو
اسلام اوغلو
اسلام اوغلو دور غفلتدن گل باهم یولداش اولاق
قورآن بیزی قارداش ائدیب گل بیز ده قارداش اولاق
اختلافی آت کنارا تفرقه ییخدی بیزی
من مسلمان سن مسلمان گل دوغرو دینداش اولاق
سین ایله شین یاپیشیقدیر فاصلهسیز دالبادال
آرایا حرف سالیبلار اسلام اولوب قیل - قال
سوننو-شیعه وئر ال-اله بولماسین دوشمن ماجال
گؤیدن دوشمنین باشینا دوشن آغیر داش اولاق
قورآن دئییب (واعتصموا) گل توتاق حبلاللهی
بیر اللاهی، بیر پیغمبر، قبلهمیز بیتاللهی
عمر - علی اختلافین دوشمن سالیب باللهی
دوشمنین آغزین یاندیران اود کیمی داغ آش اولاق
بیز بیر اولساق آمریکالی دؤینمز هئچ واخت بیزی
اوروپالی ساللاخ اولوب سویانماز هئچ واخت بیزی
انگلیسده سلمان رشدی سؤینمز هئچ واخت بیزی
بیرلیگیمیز اولسا اگر گرکمز گؤز یاش اولاق
سوننو قارداش الده تئشه اؤز ریشهنی قازما، سن
شیعه قارداش یانا چکمه دوز اویونو پوزما، سن
دده کاتب حقّی سؤیله قورخما، یولدان آزما، سن
نامحرمه یول وئرمهیک بیر- بیره سیرداش اولاق.
قورآن بیزی قارداش ائدیب گل بیز ده قارداش اولاق
اختلافی آت کنارا تفرقه ییخدی بیزی
من مسلمان سن مسلمان گل دوغرو دینداش اولاق
سین ایله شین یاپیشیقدیر فاصلهسیز دالبادال
آرایا حرف سالیبلار اسلام اولوب قیل - قال
سوننو-شیعه وئر ال-اله بولماسین دوشمن ماجال
گؤیدن دوشمنین باشینا دوشن آغیر داش اولاق
قورآن دئییب (واعتصموا) گل توتاق حبلاللهی
بیر اللاهی، بیر پیغمبر، قبلهمیز بیتاللهی
عمر - علی اختلافین دوشمن سالیب باللهی
دوشمنین آغزین یاندیران اود کیمی داغ آش اولاق
بیز بیر اولساق آمریکالی دؤینمز هئچ واخت بیزی
اوروپالی ساللاخ اولوب سویانماز هئچ واخت بیزی
انگلیسده سلمان رشدی سؤینمز هئچ واخت بیزی
بیرلیگیمیز اولسا اگر گرکمز گؤز یاش اولاق
سوننو قارداش الده تئشه اؤز ریشهنی قازما، سن
شیعه قارداش یانا چکمه دوز اویونو پوزما، سن
دده کاتب حقّی سؤیله قورخما، یولدان آزما، سن
نامحرمه یول وئرمهیک بیر- بیره سیرداش اولاق.