انسان اوغلو سن عادت وئر دیلینه
هرنه دئسن اوّل بسمالله ایلن
غیرت قورشاغینی باغلا بئلینه
هر ایش گؤرسن اوّل بسمالله ایلن
آللاه آدی بیر کلیددی بیر آچار
بوتون باغلی قاپیلاری او آچار
آللاه آدی گلسه شیاطین قاچار
حقی سورسان اوّل بسمالله ایلن
یونگول توت ایشینی اولماسین آغیر
خوش اچ قولاقلارین اولماسین صاغیر
هر قدم آتاندا آللاهی چاغیر
یاتیب دورسان اوّل بسمالله ایلن
دده کاتب چوخ دا بیلسن آز دانیش
اؤتور عمر - زیدی هذیاندان ساویش
آلیب وئرن اودور سن دورما چالیش
اهل کارسان اوّل بسمالله ایلن.