گئجه - گوندوز آدین دیلیمده ازبر
عالمه هدایت یا رسولالله
یوز ییرمی دؤرد مین انبیاء ایچینده
صاحب صدارت یا رسولالله
صدارت تختینده سنسن مقتدا
نورونو یارادیب سنین ابتدا
تک، سن دئیهجکسن ای وای امّتا
اولاندا قیامت یا رسولالله
قیامت گونونون سنسن سروری
قورولاندا عدالتین منبری
اوخوناندا خلقین عمل دفتری
اومارام شفاعت یا رسولالله
شفاعت کانیسان عالمه رحمت
شفاعت ائتمهسن یاناجاق امّت
دده کاتب اؤزون ائیلر مذمّت
چکرم خجالت يا رسولالله.