منو
مدح مولا
کؤنول دیلر نئچه جمله مدح مولا ائیله‌سین
نامرده بویون اگمه‌دی معدن غیرت علی
گوندوزلری جنگ ائدردی قوم کوفر- شرک ایلن
گئجه‌لری معبودو ایله ائیلردی خلوت علی
مردلیک ایله جنگ ائیله‌دی دالدالانیب یاتمادی
قضاوت میزی اوستونده عدالتی آتمادی
یتیم ایله دانیشاندا قاشلارینی چاتمادی
کافرلره چوخ آجیقلی مؤمنه رحمت علی
علی علمین قاپیسی‌دیر ابن عمّ مصطفی
پشتیبان عدل - احسان اسداله لافتا
اختلاف اهلی دگیلدی سئوردی صلح - صفا
تفرقه‌نی خوشلامازدی ایستردی وحدت علی
او اصحابه کین ائتمه‌دی اجتماعه قاریشدی
اهل کین لر کین‌ائیله‌دی فساد اودو آلیشدی
نه قدر عؤمرو وار ایدی اتحاده چالیشدی
صلح - صفا جاده‌سینده چوخ چکدی زحمت علی
دده کاتب دورما چالیش باخما اهل کین‌لره
حبّ علی واجب اولدو هر دوغرو مؤمن‌لره
افراط - تفریط ائده‌نه کوفر - باطل دین‌لره
هر صبح - شام هر نفسده گؤندریر لعنت علی.
نامرده بویون اگمه‌دی معدن غیرت علی
گوندوزلری جنگ ائدردی قوم کوفر- شرک ایلن
گئجه‌لری معبودو ایله ائیلردی خلوت علی
مردلیک ایله جنگ ائیله‌دی دالدالانیب یاتمادی
قضاوت میزی اوستونده عدالتی آتمادی
یتیم ایله دانیشاندا قاشلارینی چاتمادی
کافرلره چوخ آجیقلی مؤمنه رحمت علی
علی علمین قاپیسی‌دیر ابن عمّ مصطفی
پشتیبان عدل - احسان اسداله لافتا
اختلاف اهلی دگیلدی سئوردی صلح - صفا
تفرقه‌نی خوشلامازدی ایستردی وحدت علی
او اصحابه کین ائتمه‌دی اجتماعه قاریشدی
اهل کین لر کین‌ائیله‌دی فساد اودو آلیشدی
نه قدر عؤمرو وار ایدی اتحاده چالیشدی
صلح - صفا جاده‌سینده چوخ چکدی زحمت علی
دده کاتب دورما چالیش باخما اهل کین‌لره
حبّ علی واجب اولدو هر دوغرو مؤمن‌لره
افراط - تفریط ائده‌نه کوفر - باطل دین‌لره
هر صبح - شام هر نفسده گؤندریر لعنت علی.