مدح مولا

کؤنول دیلر مدح مولا ائیله‌سین
رسولون دامادی علی‌دیر علی
کفاره چوخ آجی مؤمنه شیرین.
آغیزلارین دادی علی‌دیر علی
علی انسان ایدی انسانلیق جانی
بوتون اولیانین اودور سلطانی
معرفت، شریعت، طریقت کانی
عارفلر اوستادی علی‌دیر علی
علی حقدن دالدالانیب یاتمادی
قضاوتده عدالتی آتمادی
مظلوملارا قاشلارینی چاتمادی
دوشگون‌لر امدادی علی‌دیر علی
علمین بحری درین‌لرین درینی
دده کاتب سئور علمین درینی
کلب اول قاپی‌سیندا بکله درینی
عاشق‌لر مرادی علی‌دیر علی.