دهلی کؤنول گز عالمی سئیر ائله
هر نه اثبات ائدیر حیّ سبحانی
بیر طبیعت قوروب هر یارانمیشا
یارادان یارادیب تانیر اشیانی
هر بیر طبیعتین آیدیندیر ایشی
گؤز گؤرنده اورهک توتار تشویشی
یاخین اولسا بنزین قاپار آتشی
شهوت طغیان ائتسه سایماز حیانی
یولچو عارف اولسا یولوندان آزماز
های هوّز ایله حُطّینی یازماز
تربیت گؤزهلدی فطرتی پوزماز
تعلیم قاچار، پیشیک گؤرسه سیچانی
آرواد گلیب کیشی یولون گئدهنمز
کیشی صوبحه کیمی بئشیک گودهنمز
طبیعتی علم انکار ائدهنمز
دده کاتب بیلن بیلیر معنانی.