منو
چکیلمه
ده‌لی کؤنول بیر کس ایله آتیشسان
اؤزون ساخلا تئز یامانا چکیلمه
گؤردون قان قوخوسو گلیر بیر ایشدن
ضرر چک، فسادا قانا چکیلمه
الینی باتیرما مظلوم قانینا
سون ایشین دوشه‌جک حق دیوانینا
شهادتده چکیل حقّین یانینا
بیر قارین یئمگه نانا چکیلمه
انسان اولسان آتما انسانلیق داشین
دار گونده اونوتما یار - یولداشین
ناموسلو یوخسولون یئ یاوان آشین
هفت سینده الوان خوانه چکیلمه
دده کاتب اوخو حقّین کلامین
چوخ پولو دوست توتما خوار ائیلر نامین
دوستون شکست یئسه کسمه سلامین
گئت یاپیش قولوندان یانه چکیلمه.