من بئله‌یم

دوستلار مندن نه ایسترسیز ایسته‌یین
سؤز گزدیریب آرا قاتماق یوخومدور
بیر کسه دوست دئسم اؤلونجه، دوستام
دوشن گونده دوستو آتماق یوخومدور

دوشمنیمه یالان تهمت وورمارام
چوخ دانیشمام یولداشیمی یورمارام
کسب اهلی‌یم چالیشارام دورمارام
ایش واختیندا یئییب یاتماق یوخومدور
من تیکه‌نی چئینه‌مه‌میش اودمارام
خلقین اسرار پرده‌سینی ییرتمارام
اؤزومو هئچ‌کسدن اوجا توتمارام
شیشیب تکبّرلوک ساتماق یوخومدور
دده کاتب بئش تومنه شیشمرم
دیل خنجرین ووروب خلقی دئشمرم
دین - ناموس دوشمنیندن کئچمه‌رم
آلچاقلیق تیکه‌سین دادماق یوخومدور.