شکایت ائتمه، کمینه، رقیب جوروندن

مریض عشقه علاج ائیله مز طبیب، اؤلمه!
بو درده چاره ائدر وصلت حبیب، اؤلمه!
وصاله طالب اولان عاشیقه بلا یئتیشور،
فراقه صبر ائله، سن بونجا بی شکیب، اؤلمه!
خیال زلف سنی خیلی ناتوان ائده جک،
سنی مریض ائدر چشم دلفریب، اؤلمه!
فغان و ناله چکیب، قیلما هجردن شکوه،
بودور اومید، سنه وصل اولا نصیب، اؤلمه!
دئمه وطنده منه بیر انیس و مونس یوخ،
سنه انیس غم عشق دیر، غریب، اؤلمه!
قیام قیلماسا گر، سرو قد و سیم اندام،
کی، روز حشر سنه اولماز عنقریب، اؤلمه!
شکایت ائتمه، کمینه، رقیب جوروندن،
کمند هجره دوشب، سن کیمی، رقیب، اؤلمه!