بیر عاشقین دورانیدیر

اول پریوش کیم، ملاحت ملکونون سلطانیدیر،
حکم اونون حکمی منه، فرمان اونون فرمانیدیر.
سوردو مجنون نوبتین، ایندی منم رسوای عشق،
دوغرو دئرلر: هر زامان بیر عاشقین دورانیدیر.
لحظه لحظه کؤنلوم اودوندان شرلردیر چیخان،
قطره قطره گؤز تؤکن سانما سرشکیم قانیدیر.
خار باغم له گر کونول چاک اولسا تیغ عشقدن
کیم، جنون گلزاری نین بونلار گل خندانیدیر.
ای فضولی، اولا کیم رحم ائده یار افغانینه،
آغیلا گیل زار، اونجا کیم، زار آقلاماق امکانیدیر.