خیال صورت جانانه

منیم کیم، بیر لب خندان ایچون گریانلیغم واردیر،
پریشان طّره‌لر دورونده سرگردانلیغم واردیر.
یاشیم تخت روان دیر، تاج زرین شعلۀ آهیم،
گؤرون کیم، دولت عشق ایله نه سلطانلیغم واردیر؟
یومولماز اشک طغیانینده ایسه چشم خونباریم،
خیال صورت جانانه خوش حیرانلیغم واردیر.
سرشکیم گؤر، منی، ای ابر، اؤزوندن کم خیال ائتمه،
هوای عشق ایله مین سنجه اشک افشانلیغم واردیر.
لبین دورونده کیم، انسان اولان جان دئر اونا مطلق
اگر آب حیات ائتسم طلب، حیوانلیغم واردیر.
فضولی جام مئی ترکین قیلیب، زهد ایله تقوادن
قامو دانایه روشن دیر بو، کیم، نادانلیغم واردیر.