بؤیله چکسین

ذوق شوقیله جهان قیدین چکن زحمت چکر،
اهل ذوق اولدیر کیم، اوندان دامن همت چکر.
گون چکر یئردن گؤگه هر دم غبار راهینی،
توتیا ایچون، بلی، یئردن گؤگه منت چکر.
ای چکن غیرایله پنهان بزم ائدیب مئی گاه گاه،
یاد قیل اوندان کی، بزمین یاد ائدیب حسرت چکر.
خالی ائتمیش غیردن زلفون خیالی کؤنلومی،
نولا صاحب کشف ایله بیر عمردور خلوت چکر.
چک، صبوحی، صبح نقاشینه عرض عارض ائت،
بؤیله چکسین، کیم فلک لوحینه بیر صورت چکر.
سرو قامت لر سمن رخسارلر توپراغیدیر،
هر سمن کیم، آچیلیر، هر سرو کیم، قامت چکر.
قطرۀ اشکیم قطاری، چاک سینه مدن گیریب،
تن ائوینه دیشرادان بار غم و محنت چکر.
ای فضولی، باخمایام تا غیره، هر خونین مژه
آتشین بیر میل دیر کیم، چشمیمه غیرت چکر.