شیخ لر میخانه دن

هر کتابه کیم، لب لعلین حدیثین یازه لر،
رشتۀ جان بیرله ذوق اهلی اونی شیرازه لر.
بو نه سرّدیر، سرّ عشقین دئمه دن بیر کیمسه یه،
شهره دوشموش “من سنی سئودیم” دئین آوازه لر.
شیخ لر میخانه دن اوز دؤندرلر مسجده،
بی طریقت لر گور کیم، دوغرو یول دان آزه لر.
چاک لر گؤکسومده، صانمین کیم، آچیب دیر تیغ عشق
کؤنلومین شهرینه مهرین گیرمه یه دروازه لر.
ای فضولی، یار اگر جور ائتسه، اوندان اینجیمه،
یار جور و عاشقه هر دم محبت تازه لر