عشقینده هر بیری نین اؤز زلفی بوینی باغی

مرهم قویوب اؤنرمه، سینمده قانلی داغی،
سؤندورمه اؤز الینله یاندیردیغین چراغی.
اویموش جنونه کؤنلوم، ابرونه دئر مه نو،
نه اعتبار اونا کیم، سئچمز قارادان آغی.
دُر تک دیشین سؤزونی هر دم ائشیتمک ایستر،
بحرین مدام اونونچون ساحلده دیر قولاغی.
زلفی سیه صنم لر اولموش سنین اسیرین،
عشقینده هر بیری نین اؤز زلفی بوینی باغی.
قددین غمینده سروین سورماغا ضعف حالین،
گلزاردن کسیلمز ارماقلارین ایاغی.
گر مشک دئرسه عاشق اول بوی زلفه، ساقی،
تند اولما، بیر قدح وئر، ترایله سین دماغی.
دوران حوادی سیندن یوخ باکیمیز، فضولی،
دارالامانیمیزدیر میخانه‌لر بوجاغی.