ائشیدیب سالدی بیابانه دنیز گوهرینی

سانما کیم، بلبل آچار اوچماغا بال و پرینی،
گل یاقیب اونی ساورموش گؤگه خاکسترینی.
گؤزوم و اوزوم آراسیندا چری چکدی مژه م
کی، گؤزومدن سو چیخیب یومایا خاک درینی.
موج اشکیم گؤروب، ابرویه سالیر چین، نه عجب
کی، سو اورماق چیخاریر اول قیلیجین جوهرینی.
دوشدی وصف دّّر دندانی آغیزدان آغیزا،
ائشیدیب سالدی بیابانه دنیز گوهرینی.
گؤز یوزون گؤرمه سه قانلار تؤکولر، آه، نولا،
فتنه باشه، مشرف قیلا گؤز منظرینی.
رشحۀ جام بیزی توتدو، نولا گر ساقی
گله قورتاره بیزی، آله ایاغ ترینی.
اولدی نظاره میزه جمع، فضولی، اطفال،
گل توتالیم بو سپاه ایله جنون کشورینی.