خموش اولما

صبا، اغیاردان پنهان، غمیم دلداره اظهار ائت!
خبرسیز یاریمی حال خرابیمدن خبردار ائت!
گتیر یادیم اونون یانیندا، گر گؤرسن کی، قهر ائیلر،
خموش اولما، یئنه دوشنام تقریبیله تکرار ائت!
کؤنول، غم گون لرین تنها کئچیرمه، ایسته بیر همدم،
اجل خوابیندان، افغانلار چکیب، مجنونو بیدار ائت!
چو یوخ، عشق آتشی بیر شعله چکسه، طاقتین، ای نئی،
باش آغریتما، دم عشق اورما، آنجاق نالۀ زار ائت!
منی پروانه تک، رشک اودونا ای شمع، یاندیرما،
یئتر خورشید رخسارین چراغ بزم اغیار ائت!
گرفتار غم عشق اولالی آزادۀ دهرم،
غم عشقه منی بوندان بتر، یارب، گرفتار ائت!
فضولی، باخماق اولور اول گونش یادیله خورشیده،
نه وجه ایله کیم، اولسا گون کئچر، فکر شب تار ائت.