بوکولموش قددیمی قورتاره گؤر قلاب زلفوندن

بوراقدی خاکه حسنون آفتاب عالم آرایی،
گؤتوردو یئر اوزوندن معجز لعلین مسیحانی.
ایکی گؤزدن روان ائتمیش سرشکیم قامتین شوقی،
عصای معجزی گؤر کیم، ایکی بؤلموش بو دریایی.
بوکولموش قددیمی قورتاره گؤر قلاب زلفوندن،
خطا دیر، چکمه سین چوخ باغری چؤکموش بیر سینیق یایی.
رخون اوزره خم ابرونی گؤرمک ایسترم، امّا
ایکن دشوار اولور، گون وار ایکن گؤرمک یئنی آیی.
شراب نابه لطف ائت، محنت مهرایله چوخ باخما،
مکدّر قیلما عکس تیره دن جام مصفانی.
یئدی گون دور اول آیی گؤرمدیم، آهیم شراریله
نولا قیلسام بنات النعش ایله یکسان ثریانی.
فضولی، اشک سیلیله پریشان اولما، صبرایله!
اونا هم وار اولا آخر، توتوبدورارمی دنیانی؟