فلک تقدیر ائدیب

حباب اشک خونین جسمیمی ائلدن نهان ائتمیش،
بلای عشقین من رسوایی بی نام و نشان ائتمیش.
گؤتورموش خاک دن طغیان اشکیم خار و خاشاکی،
باشیم اوزره ملامت قوشلاریچون آشیان ائتمیش.
بوکوب محنت یوکوندن قددیمی، چیخمیش تنیمدن جان،
طواف کویین ائتمک قصدینه طی مکان ائتمیش.
سنینله ائتدیگیچون دعوی تقدیم حسن ایچره،
فلک تقدیر ائدیب لیلینی رسوای جهان ائتمیش.
مگر ترکیب عیسی گرد خاک درگهیندن دیر
کی، دورموش خاک دن قدریله عزم آسمان ائتمیش.
گزن پیکانلارین دیر تنده، یا جان باغینه عشقین
بلا سرچشمه سیندن هر طرف سولار روان ائتمیش.
فضولی دن مزاجین منحرف گؤردوم بو گون یارب،
مگر فرصت بولوب بیر شمعه حالیندان بیان ائتمیش؟