غم هجرانه

دل کی، سرمنزلی اول زلف پریشان اولموش،
نولا جورمی کی، آسیلماسینا فرمان اولموش؟
شاه سن ملک ملاحتده، سنه قوللار چوخ،
بیری اولدیر کی، واریب مصرده سلطان اولموش.
رحم ائدیب عاشقینی حشر گونی یاخمایالار
کی، بو دنیادا اسیر غم هجران اولموش.
دئدی لر، غم گئدیر باده، چوخ ایچدیم سنسیز،
غم هجرانه مفید اولمادی اول قان اولموش.
باغبان چمن دهره خیال دهنین
سبب تربیت غنچۀ خندان اولموش.
آدم اول سر کویین وئریب آلمیش جنّت،
ائشیدیب طعن ملک، سونرا پشیمان اولموش.
ای فضولی، منیم احوالیمه بیر واقف یوخ،
بؤیله کیم، عالم اونون حسنونه حیران اولموش.