ائیله‌دیم تحقیق

بیلمز ایدیم، بیلمک آغیزین سرّینی دشوار ایمیش،
آغیزینی دئرلردی یوخ، دئدیکلرینجه وار ایمیش.
عاجز اولموش ییخماغا آه ایله کوهی کوهکن،
نئیله سین مسکین، اونون عشقی هم اول مقدار ایمیش.
داشه چکمیش نقش ایچون فرهاد شیرین صورتین،
عرض قیلمیش خلقه محبوبین، عجب بی عار ایمیش.
کعبه احرامینه زاهد، دئدی لر، بئل باغیلادی،
ائیله‌دیم تحقیق، اونون باغیلاندیغی زنّار ایمیش.
عمرلردیر ائیلرم احوال دنیا امتحان،
نوقد عمرو حاصل دنیا همان بیر یار ایمیش.
ذوق دیداریله دلدارین یوخ ائتدیم واریمی،
دولت باقی کی، دئرلر، دولت دیدار ایمیش.
دون فضولی عارضین گؤرجک، روان تاپشیردی جان،
لاف ائدیب دئردی کی، جانیم وار، امانتدار ایمیش.