غم هجردیر کیم

بت نورسیم نمازه شب و روز راغب اولموش،
بو نه دین دیر، الله الله، بته سجده واجب اولموش.
اثر قبول طاعت اونا وئرمیش اؤیله حالت
کی، قلوبدور اهل حاله حرکاتی جاذب اولموش.
فرحیم گؤروب، جفاسین حسناته داخل ائیلر،
نه ملک کیم، اول پری نین عملینه کاتب اولموش.
نه عجب گر اولسا غمدن دونوم و گونوم برابر،
نظریمدن اول اوزو گون نئچه گون کی، غایب اولموش.
غم هجردیر کیم، آرتار اثریله عشق ذوقو،
غلط ایلمیش فضولی کی، وصاله طالب اولموش.