بسی مئی نوش ائدن لر

بو گون تیغین چکیب، چیخمیش دیر اول نامهربان سرخوش،
ساقین، ای رحم ائدن جانینه کیم، بیلمز آمان سرخوش.
اونا هوشیار ایکن درد دل ایستردیم دئیم، ساقی،
پیاپی صونما جام و، قیلما اول سروی روان سرخوش.
دئگیل تقوادن ائتسم باده ترکین، وهمیم اوندا دیر
کی، اظهار ا ائیله ییم خلق ایچره عشقین ناگهان سرخوش.
مگر قان ایچمک ایله اسرمشدیر نرگس مستین
بسی مئی نوش ائدن لر گؤردوم، اولماز بؤیله قان سرخوش.
مئی عشقینله سرمست اولدیغوم ائلدن نهان قالماز،
محال عقل دیر کیم، ساخلایا رازین نهان سرخوش.
کؤنول تا اولدی بیخود، آلدی غمزن جانیمی تندن،
وئر یغمایه نقدین، گنجینه اولجاق پاسبان سرخوش.
فضولی، غیرایلن خلوت مگر بزم ائتمیش اول گلرخ،
رقیب کجروی گؤردوم بو گون باری یامان سرخوش.