توتولموش آیه باخ!

رنگ روییندن دم اورموش ساغر صهبایه باخ!
آفتاب ایله قیلیر دعوا، توتولموش آیه باخ!
شمع باشیندان چیخارمیش دود شوق کاکیلین،
بؤیله کوتاه عمرایله باشین دکی سئودایه باخ!
ای سلامت اهلی، اول رخساره باخما زنهار!
احتزاز ائیله ملامتدن، من رسوایه باخ!
بیلدی عشقینده نمدپوش اولدیغوم آینه تک،
رحم ائدیب بیر گز منه باخماز، بو استغنایه باخ!
سینه می چاک ائیله، گؤر دل اضطرابین عشقدن،
روزن آچ، هر دم هوادن موج اوران دریایه باخ!
ای دئین کیم، شام اقبالین نه اوزدن تیره دیر؟
سایه سالمیش آیه اول گیسوی عنبرسایه باخ.
ای فضولی، هر نئجه منع ائیله سه ناصح سنی،
باخما اونون قولینه، بیر صورت زیبایه باخ.