خبر ائت ساقیه کیم

نولا گر قوجسا میانین کمر زر گستاخ،
گتیریب چوخلاری اورتایه زر، ائیلر گستاخ.
خاک ساغر، جم و جمشیددیر، ای پیر مغان،
خبر ائت ساقیه کیم، توتمایا ساغر گستاخ!
رشک اودیله یاخیلیر رشتۀ جانیم کی، نچون
دگر اول عارضه گیسوی معنبر گستاخ.
روزه نیندن قوما کیم، گون دوشه خلوتگهینا،
حرم شاهه نه لایق گره چاکر گستاخ.
ساخلا، ای اشک، ادب، گئتمه سر کویینه چوخ
کی، دوشر اوزدن و گؤزدن سورولر هر گستاخ.
هوسیم بادۀ گلگونه بو امید ائیله دیر
کیم، اولام مست توتام دامن دلبر گستاخ.
بنزدیرسن اؤزونی ایتلرینه هر ساعت،
ای فضولی، اولا بیلمز سنه بنزر گستاخ.