حور و کوثردن کی

خلقه خوبلاردان وصال راحت فزا دیر غرض،
عاشقه آنجاق تصرف سیر تماشا دیر غرض.
زاهدا، ترک ائتمه زاهدلر وصال راحتین،
گر عبادتدن همین غلمان و حورا دیر غرض.
حور و کوثردن کی، دئرلر روضۀ رضواندا وار،
ساقی گلچهره و جام مصفا دیر غرض.
ذوق سوز لازیم چیخار دنیادان اول دنیا پرست
کیم، اونا دنیادان آنجاق ذوق دنیا دیر غرض.
راحت اولسایدی غرض، دنیاده فقر ایستردی خلق،
غالباً کیم، خلقه بیر بیهوده غوغا دیر غرض.
عارف اول، سودای عشق انکارین ائتمه، ای حکیم
کیم، وجود خلقدن آنجاق بو سئودا دیر غرض.
قیل فضولی، ترک ابرام تکلم کیم، یئتر،
صورت حالین، گر اظهار تمنا دیر غرض.