کفر زلفون ائیلرم

قیل، صبا، کؤنلوم پریشان اولدیغون جانانه عرض،
صورت حالین بو ویران ملکون ائت سلطانه عرض.
تنده جانیم بیر پری نین دیر، امانت ساخلارام
اول زاماندان کیم، امانت قیلدی لار انسانه عرض.
درهم اولموش سنبلون گویا کی، قیلمیش دیر اونا
مو به مو حال دلم، اللر اوزادیب شانه عرض.
خلق کفر اهلینه ایمان عرض ائدر، من دمبدم
کفر زلفون ائیلرم کؤکسوم دکی ایمانه عرض.
صورت بیجان ایله جنّت دولار بتخانه تک،
قیلسالار جنّتده تصویرین چکیب غلمانه عرض.
منعمین عرض تجمل دور ایشی فقر اهلینه،
نولا گر دل قیلسا هر دم درد عشقین جانه عرض.
ای فضولی، بؤیله پنهان توتما اشک آه ینی،
ایله هر رنگیله کیم، وار اول گل خندانه عرض.