بو عقل ناقص ایله

گاه گؤزده، گه کؤنولده خدنگین مکان توتار،
هر قاندا اولسا قانلینی، البته، قان توتار.
دل چکسه، نولا، جان و تنی خاک کویینه،
خار و خس ایستر اوندا کی، قوش آشیان توتار.
ذکر لبینله زلفونه جان بولدو دسترس،
اونون کیمی کی، اوخویوب افسون ایلان توتار.
دل توتدی غنچه ایله برابر دهانینی،
بو عقل ناقص ایله اؤزون خورده دان توتار.
خورشید خرمنینه اورا شعله شعله اود،
آهیم کی، لحظه لحظه ره آسمان توتار.
جان ائله دیکده میل تماشای قامتین،
گؤز روزنین سرشک روانیم روان توتار.
توتماق دیلر فضولی قاپیندا مقام لیک
بو سرّی کیمسه یه آچا بیلمز، نهان توتار.