خطا سندن دئگیل

پریشان خلق عالم آه و افغان ائتدیگیمدن دیر،
پریشان اولدیغوم، خلقی پریشان ائتدیگیمدن دیر.
تن زاریمده درد عشق گون گوندن فزون اولماق
یئتن بیدرد تدبیرایله درمان ائتدیگیمدن دیر.
گؤزوم کیم، باغریمین قانین تؤکر پرکاله پرکاله،
دمادم آروزی لعل جانان ائتدیگیمدن دیر.
دئگیل بیهوده، گر یاغسا فلکدن باشیمه داشلار،
بناسین تیشۀ آهیمله ویران ائتدیگیمدن دیر.
قاچان رسوا اولوردوم، قان اودوب صبر ائده بیلسیدیم،
ملامت چکدیگیم بیهوده افغان ائتدیگیمدن دیر.
خطا سندن دئگیل، جسمیم اوخوندان بی نصیب اولماق،
حباب اشک گلگون ایچره پنهان ائتدیگیمدن دیر.
فضولی، اختلاط مردم عالمدن اکراهیم،
پریوش لر خیالین مونس جان ائتدیگیمدن دیر.