بو رسوالیق منه سندن دئگیل

خوشام کیم، دمبدم گریان گؤزوم اول خاک پادن دیر.
زیانی اولماز اول گؤز یاشی نین کیم، توتیادن دیر.
دمادم مردم چشمیم ایچر قان زلف و خالیندان،
بلی اکثر معاشی اهل دریانین قرادن دیر.
دئمه فرهاد قانین تؤکموش آنجاق عشق شمشیری،
منیم گؤر قانلی یاشیم کیم، بو هم اول ماجرادن دیر.
معنبر سنبلوندن آلمادان بو، اولمادیم رسوا،
بو رسوالیق منه سندن دئگیل، باد صبادن دیر.
حباب اشک ایچینده موی ژولیدمله خوشحالم،
باشیمدا بو همایون سایه اول عالی بنادن دیر.
وفا رسمین اونوتموشسان دئیه، اینجینمزم زیرا،
بو کیم، مندن جفا کم ائیله مزسن، هم وفادن دیر.
کمال حسن مشرب، عاری اولماق دیر تعرضدن،
ریا اهلینه هم چوخ اعتراض ائتمک ریادن دیر.
فضولی، تؤکمه چوخ یاش، احتیاط ائت گئتمه سین ناگه
گؤزوندن سورمه کیم، خاک ره اهل صفادن دیر