واعظ سؤزونه توتما قولاق

قبریم داشینه کیم، غم اودوندان زبانه دیر،
طعن اوخون آتما کیم، خطری چوخ نشانه دیر.
ائیلر قدح زمانه غمین دفع، غالباً،
دور قدح مخالف دور زمانه دیر.
قالدیردی اشک دون منی اول آستانه دن
کیم، مقصدیم منیم داخی اول آستانه دیر.
نذر ائتمیشم فراقینه کیم، یوخ نهایتی،
نقد سرشکیمی کی، توکنمز خزانه دیر.
جان وئرمیم می غربته کیم، بیم طعنه دن
یاد وطن فغانیما سنسیز بهانه دیر.
واعظ سؤزونه توتما قولاق، غافل اولما کیم،
غفلت یوخوسونون سببی اول فسانه دیر.
ای دل، حذر قیل آتش آهینله یانماسین
جسمیم کی، درد قوشلارینا آشیانه دیر.
مندن، فضولی، ایستمه اشعار مدح و ذم،
من عاشقم، همیشه سؤزوم عاشقانه دیر.