من لب جانانیمی

جانی کیم جانانی ایچون سئوسه، جانانین سئور،
جانی ایچون کیم کی، جانانین سئور، جانین سئور.
هر کیمین عالمده مقدارینجا دیر طبعینده میل،
من لب جانانیمی، خضراب حیوانین سئور.
باشه دم دوشدیکجه تقصیر ائیله مز، ائیلر مدد،
اول سببدن متصل چشمیم جگر قانین سئور.
مشک چین آواره اولموش دور وطندن من کیمی،
قانسی شوخون، بیلمزم، زلف پریشانین سئور.
سو کی، سرگردان گزر، باشیندا واردیر بیر هوا،
غالباً، بیر گلرخون سرو خرامی نین سئور.
عاقبت رسوا اولوب من تک، دوشر ائل آغیزینا،
کیم کی، بیر سرمست ساقی لعل خندانین سئور.
ترک عشق ائتمه فضولی نولاجاق دیر، وهم ائدیب،
غایتی دئرلر، اولا بیر بنده سلطانین سئور.