کمند چین زلفون

مژم سرچشمه‌لر منزل قیلان آشفته مجنون دور،
آنینچون بستۀ زنجیر سیل اشک گلگون دور.
سواد نقطۀ گردابه بنزر مردم چشمیم
کی، دایم غرقۀ گرداب اشک چشم پرخون دور.
خمیده قامتیم کیم، داغ دلدن قانه غرق اولموش،
ایچینده نقطه سی گویا کی، قان آلتین داکی نون دور.
ائشیت درد دلیم، افسانۀ مجنونه میل ائتمه
کیم، اول افسانه دن هم آنلانان مطلق بو مضمون دور.
کمند چین زلفون وهمی گئتمز زار کؤنلومدن،
منه اول رشتۀ اژدر قیلان بیلمم نه افسون دور.
فرح بخش دل معشوق اولور شرح غم عاشق،
سرود بزم شیرین نالۀ فرهاد و مجنون دور.
فضولی، وئرمه‌دی طعن اوخلاری گؤز یاشینه تسکین،
اؤنون بند ائتمک اولماز خار و خاشاک ایله، جیحون دور.