طلبکار وصالم

غبار سجدۀ راهین خط لوح جبینیم دیر،
سجود درگهین سرمایۀ دنیا و دینیم دیر.
اگر عزم ره ائتسم، شوق وصلین هادی راهیم،
وگر آرام هم دوتسام، خیالین همنیشینیم دیر.
هوای روضۀ کویین، باهار گلشن جانیم،
نهال قامتین سرویم، عذارین یاسمینیم دیر.
یقینیم دیر کی، مقصودوم اولور حاصل سنه یئتسم،
بحمدالله، منه سندن منه رهبر یقینیم دیر.
طلبکار وصالم، مژدۀ وصلین دریغ ائتمه
کیم، اول مژده فرح بخش دل اندوهگینیم دیر.
چیخاردی ذوق وصلین خاطریمدن روضه پرواسین،
سؤزون کوثر، منور مجلسین خلد برینیم دیر.
منه اوز گؤستر هر لحظه یوز مین شاهد دولت
چو مرات رخون، منظور چشم پاک بینیم دیر.
سریر سلطنت ذوقیندن افزون دور منه اول سؤز
کی، لطف ایلن دئمیشسن: بیر غلام کمترینیم دیر.
بری اولدیم، فضولی، غیردن، اول دلربا آنجاق،
انیسیم، مونسیم، یاریم، نگاریم، نازنینیم دیر.