سنه دئرلر بت چین

دئمیش هر غنچه سه عاشقلیگیم رازین صبا دئرلر،
ائل آغیزین توتماق اولماز، قورخرام، ای گل، سانا دئرلر.
اسیر درد عشق و مست جام حسن چوخ امّا
بیزوز مشهور اولان، لیلی سنه، مجنون مانا دئرلر.
سنین مهر و وفا گؤستردیگین اغیاره چوخ گؤردوم،
غلط دیر کیم، سنی بی مهر اوخورلار، بیوفا دئرلر.
سنه دئرلر بت چین، زلفونه زنّار سؤیلرلر،
زهی ایمانی یوخ لار کفر سؤیلرلر، خطا دئرلر.
منه دئرلردی اوّل: بیر ملک دیر سئودیگین، حالا
گؤرن لر، من فقیره گؤی دن ائنمیش بیر بلا، دئرلر.
مریض عشق عقد زلفون ائیلر آرزو، زیرا
معالج لر بو مهلک درده مشکل دیر دوا دئرلر.
فضولی، عاشقه اونلار کی، دئرلر ترک عشق ایله،
دئمزلرمی خطا، تغییر قیل حکم قضا، دئرلر.