ایراغ اولسون یامان گؤزدن

صبادن گل اوزونده سنبل پرپیچ و تاب اوینار،
سانرسان پر آچیب، گلشنده بیر مشکین غراب اوینار.
خیال عارضین جولان ائدر بو چشم پرنمدن،
نچوک کیم، موج لنمیش سودا عکس آفتاب اوینار.
رخون گؤرجک اولور سوز دروندن دود دل حاصل،
باهار ایامی سیچرار برق و رخشنده، سحاب اوینار.
ایراغ اولسون یامان گؤزدن، نه خوش ساعت دیر اول ساعت
کی، عشاق ایله معشوق ایله‌ییب ناز و عتاب اوینار.
ریای زاهد خشکون سماعیندن نولور حاصل،
خوش اول کیم، رند مئیخواره، ایچیب جام شراب اوینار.
بو غم لر کیم، منیم واردیر، بعیرین باشینه قویسان،
چیخار کافر جهنمدن، گلر اهل عذاب، اوینار.
قیلیر گؤز پرده سین خوناب حسرت چاک هر دم کیم،
رخونده لذت دیدار و ذوقیندن نقاب اوینار.
فضولی، رشک دن تیترر دل پرخون عشاقین،
بناگوشینده یارین هر زامان کیم، لعل ناب اوینار