آشفته لیگیم

آه ائیله دیگیم سرو خرامانین ایچون دور،
قان آغیلادیغم غنچۀ خندانین ایچون دور.
سرگشتلیگیم کاکیل مشکینین اوجوندان،
آشفته لیگیم زلف پریشانین ایچون دور.
بیمار تنیم نرگس مستین المیندن،
خونین جگریم لعل دور افشانین ایچون دور.
یاقدیم تنیمی وصل گون و شمع، تک، امّا،
بیل کیم، بو تدارک شب هجرانین ایچون دور.
قورتارماغا یغمای غمیندن دل و جانی،
سعییم نظر نرگس فتانین ایچون دور.
جان وئر، کؤنول، اول غمزه یه کیم، مونجه زامانلار،
جان ایله سنی بسلدیگیم آنین ایچون دور.
واعظ بیزه دون دوزخی وصف ائتدی، فضولی،
اول وصف سنین کلبۀ احزانین ایچون دور.