خانسی شمعین شعله سی

خانسی گلشن گلبنی سرو خرامانینجا وار؟
خانسی گلبن اوزره غنچه، لعل خندانینجا وار؟
خانسی گلزار ایچره بیر گل آچیلیر حسنون کیمی،
خانسی گل برگی لب لعل دور افشانینجا وار؟
خانسی خونی سن کیمی جلاده اولموش دور اسیر،
خانسی جلادین قیلینجی تیغ مژگانینجا وار؟
خانسی بزم اولموش منور بیر رخون تک شمع دن،
خانسی شمعین شعله سی رخسار تابانینجا وار؟
خانسی یئرده تاپیلور نسبت سنه بیر گنج حسن،
خانسی گنجینه اژدری زلف پریشانینجا وار؟
خانسی باغین وار بیر نخلی، قدین تک بارور،
خانسی نخلین حاصلی سیب زنخدانینجا وار؟
خانسی گلشن بلبلی سؤیلر، فضولی، سن کیمی،
خانسی ناله سی آه و افغانینجا وار؟