خراب جام عشقم

شفای وصل قدرین هجرایله بیمار اولاندان صور،
زلال ذوق شوقون تشنۀ دیدار اولاندان صور.
لبین شیرین گلیب گفتاره، مندن اؤزگه دن صورما،
بو پنهان نکته نی بیر واقف اسرار اولاندان صور.
گؤزو یاش لی لارین حالین نه بیلسین مردم غافل،
کواکیب سیرینی شب تا سحر بیدار اولاندان صور.
غمیندن شمع تک یاندیم، صبادن صورما احوالیم،
بو احوالی شب هجران منیمله یار اولاندان صور.
خراب جام عشقم، نرگس مستین بیلیر حالیم،
خرابات اهلی نین حالینی بیر خمار اولاندان صور.
خبرسیز اولما فتان گؤزلرین جورون چکن لردن،
خبرسیز مست لر بیدادینی هوشیار اولاندان صور.
محبت لذتیندن بی خبردیر زاهد غافل،
فضولی، عشق ذوقون، ذوق عشقی وار اولاندان صور