مریض درد عشقم

خم آچیلدیقجا زلفوندن بلا و محنتیم آرتار،
بحمدالله کی، عمروم اوزانار، جمعیتیم آرتار.
توتا گؤر گؤز یولون، ای اشک، کیم، تمکینیم اکسیک دیر،
بو صورت خانه نین گؤردوکجه نقشین حیرتیم آرتار.
مریض درد عشقم، ترک عالم دیر مرادیم کیم،
بو ناخوش ملکده ایلندیگیمجه زحمتیم آرتار.
بوکولدو قامتیم حسرت یوکوندن، وه کی، عالمده
امیدیم اکسیلیب هر لحظه یوز مین، حسرتیم آرتار.
نه شربت دیر غمین کیم، ایچدیگیمجه اکسیلیر صبریم،
نه سحر ائیلر رخون کیم، باخدیغمجا رغبتیم آرتار.
دئمن اکسیک منی تدریج ایله یاقوت اولان داشدان،
بویاندیقجا جگر قانیله قدرو قیمتیم آرتار.
چوخ اولدیقجا غم و دردیم ره عشق ایچره خوشحالم،
فضولی، شاد اولوب شکر ائتمیم کیم، نعمتیم آرتار.