غنچه لعلین

درج دور لعل روان بخشین، دور شهوار لفظ،
درج دن دورلر تؤکرسن، ایله سن اظهار لفظ.
اؤیله آغیزین تنگ دیر کیم، سؤیله سن هردم سنه،
گرچی نازیک دیر، وئریر، البته، بیر آزار لفظ.
یئتمک اولماز لفظ جان بخشینله آغیزین سرّینه،
وحی دیر گویا بو کیم، مطلق آغیز یوخ، وار لفظ.
نیشه لعلین گئج گلیر گفتاره، گویا کیم، بیلیر،
من کیمی، اول لعل دن آیریلماغ دشوار لفظ.
غنچه لعلین لن لطافتدن دم اورموش، بیلمزم،
نئیلر اظهار ایلگج اول لعل گوهربار لفظ.
ای فضولی، ایسترم دلدار حالیم صورمایا،
رشک دن کیم، بولماسین وصل لب دلدار لفظ.