اول بت سرکش گلیر

آفتاب طلعتین توتدوقجا اوج ارتفاع،
قیل اهل عشقه تیغ غمزه دیر اوندان شعاع.
دشت توتماق عادتین قویموشدو مجنون عشقده،
شهرۀ شهر اولماغین رسمین من ائتدیم اختراع.
زرق دریاسیندا بیر خاشاک دیر کیم، جیزگینیر
صوفی شیاد کیم، دوران توتوب ائیلر سماع.
کئچدیگیم دنیاده عقبادن سنینچون اولدی فاش،
دوغرو دئرلر: “کلّ سّرٍ جاور الاثنین شاع”*.
اول بت سرکش گلیر، سالمیش جمالیندان نقاب،
ای سلامت الفراق، ای عقل و ایمان، الوداع.
جان و دل بیر عمردور تیغینچون ائیلرلر جدل،
گیرمه‌دی تیغین سنین اورتایه، قطع اولماز نزاع.
ای فضولی، آخرت ملکونه لازیم دیر سفر،
بؤیله فارغ، گر نه تقوادن مهیا قیل متاع.
* هر سرّی کی، ایکینجی دن کئچدی، یایی لار.