گاه آیاغی باغی لی

دیل اوزا دیر بحث ایله اول عارض خندانه شمع،
اود چیخار آغیزندان، ائتمزمی حذر کیم، یانه شمع.
نولا غیرت آتشی جانیم اریتسه موم تک،
بو نه سؤزدور کیم، دئمیش لر عارض جانانه شمع؟
عارض جانان ایله بحث کمال حسن ائدر،
دل اوجوندان دیر کی، هر ساعت دوشر نقصانه شمع.
گاه آیاغی باغی لی، گاه بوینو، ندن دیر بیلمزم،
بیر پری عشقیندن اولموش دور مگر دیوانه شمع.
نولا ایسترسه کؤنلوم عارضین، جانیم قامتین،
رسم دیر عالمده: بلبل گل سئور، پروانه شمع.
قیل شبستانی منور کیم، نثارین قیلماغا،
رشته دن دورلر چکیب جمع ایلمیش دامانه شمع.
ای فضولی، شوقدن یاغدین تنین روز وصال،
نه ائتدین، ای غافل، گرکمزمی شب هجرانه شمع؟