بزم عشق ایچره، فضولی، نئجه آه ایلمییم

حاصلیم یوخ سر کویینده بلادن غیری،
غرضیم یوخ ره عشقینده فنادن غیری.
نی بزم غمیم، ای ماه، نه بولسان سیله وئر،
اودا یانمیش قورو جسمیمده هوادن غیری.
پرده چک چهره مه هجران گونو، ای قانلی سرشک!
کی، گؤزوم گؤرمه یه اول ماه لقادن غیری.
یئتدی بیکس لیگیم اول غایته کیم، چئورمده
کیمسه یوخ جیزگینه، گرداب بلادن غیری.
نه یانار کیمسه منه آتش دلدن اؤزگه،
نه آچار کیمسه قاپیم باد صبادن غیری.
پوزما، ای موج، گؤزوم یاشی حبابین کی، بو سیل
قویمادی هیچ عمارت بو بنادن غیری.
بزم عشق ایچره، فضولی، نئجه آه ایلمییم،
نه تمتع بولونور منده صدادن غیری؟