سن سن مغفرت

ای غبار قدمین ارش برین باشینه تاج،
شرف ذاتینه ادنای مراتب معراج.
منتهی شرعینه ادیان تمامی رُسل،
بحرسن، سایر ارباب رسالت امواج.
خازن گنج شفاعت سنی قیلمیش ایزد،
هیچ کیم یوخ کی، سنه اولمایا آخر محتاج.
سن سن مغفرت اسبابینه منهاج حصول،
طاعتین معصیت امراضینه تدبیر علاج.
خلقه تقلید سلوکین سبب حسن معاش،
بلکه تغییر طریقین اثر سوء مزاج.
قایم اولمازدی نظام و نسق اهل وجود،
وئرمسیدین اثر عدل ایله دنیایه رواج.
شکرلله کی، فضولینی ائدیب داخل فیض،
رغبتین دایرۀ خوف دن ائتمیش اخراج